Øystein Wika, grunnleggjar/eiar
Email:
Tel.: +47 901 88 434
Twitter: @oysteinwika
Medium: @oysteinwika
Øystein beskriv seg sjølv som musikar/multimedieutviklar, og deler tida si 50/50 mellom musikkprosjekt og digitalt mediearbeid. Han er mest kjend for arbeidet sitt innan digital læring og utdanningsteknologi (EdTech), med 25+ års erfaring innan feltet. Han er utdanna innan musikkvitskap, og har undervist i musikkteori og elektrisk gitar i mange år. For tida jobbar Øystein med å kombinera musikklidenskapen sin med arbeidet sitt innan EdTech, og har eit par spennande applikasjonar for musikkstudentar og -elevar under utvikling.
Bakgrunn
I løpet av 1990-talet prøvde Øystein å få i gang ei musikkarriere, men jobba som frilans multimediautviklar og grafisk designer for å få endene til å møtast. Han hadde skrive og produsert litt musikk for ein ny norsk TV-kanal kalla ZTV, men med tilgang på avgrensa ressursar så han at det ville bli vanskeleg å fortsetja karrieren innan musikk. I 1995, samtidig med det framveksande World Wide Web, gikk han all-in på teknologi, og la musikkarriera til sides.
Til å byrja med designa han plakatar, katalogar, logoar og anna grafisk materiale for band, musikarar og artistar. Men han designa også nettsider og utvikla interaktive CD-ROM presentasjoner. Øystein var tidleg ute med å bruka Macromedia Director, som var det mest brukte forfattarverktøyet for å laga CD-ROM presentasjonar på den tida. Og ved å læra seg Lingo, eit internt skriptspråk i Director, oppdaga han ein ny liten applikasjon kalla FutureSplash (seinare omdøypt til Macromedia Flash) og ActionScript.
Flash-teknologi gjorde det mogleg å få CD-ROM-liknande applikasjonar på nett. På den tida var denne typen arbeid etterspurt, og førespurnadene om Flash-baserte nettsider sto i kø. På byrjinga av 2000-talet vart Øystein ein av Norges mest profilerte Flash-ekspertar og ein aktiv deltakar i utviklarmiljøet rundt Flash.
Sidan 2011 har Øystein tatt opp musikkarriera igjen og har bygd eit heimestudio der han komponerer og produserer musikk for sync lisensiering. I dag deler Øystein tida si 50/50 mellom musikkproduksjon og digitalt utviklingsarbeid.